hvaða rugl er þetta?

Þessi ummæli sem hér er vitnað í eru vægast sagt undarleg og hægt er að gagnrýna þau heilmikið, en ég get ekki tekið hattinn ofan af fyrir þessari mjög svo skrítnu endursögn mbl.is. Það eina sem kemur fram hér er að umboðsmaður Ballacks hafi sagt að það séu hommar í þýska landsliðinu, og þess vegna hafi það ekki staðið sig eins vel og það hefði (líklega?) annars getað. Það sem greinin í Guardian tekur fram er að þýska landsliðið hafi ekki spilað jafn kröftuglega og hann hefði kannski viljað, sem hann tengir við karlmennsku, sem hommar greinilega búa ekki yfir, ef á að hlusta á þennan umboðsmann. Ætli þér séu ekki of kvenlegir.

Það er að sjálfsögðu algjört rugl, en mbl.is gerir ekki betur og í staðinn endursegir hluta af þessari grein en skilur útundan fótboltastílinn sem er verið að tala um. Ég ætla rétt að vona að höfundur mbl.is greinarinnar reikni ekki með að fólk tengi ósjálfrátt á milli þess að það sé samkynhneigt fólk í fótboltaliði og þess að það spili meira "lighter and elegant" eins og stendur í greininni. Þessar úreltu staðalímyndir mega alveg eiga sig, takk fyrir.

Svo er það fyrirsögnin. "Kynhneigðin að falli?" Er átt hér við allar kynhneigðir? Gagnkynhneigð? Eða bara samkynhneigð? Er það eina kynhneigðin sem þarf að minnast eitthvað á, þar sem það er hægt að reikna með að allir séu gagnkynhneigðir þangað til annað kemur fram? Það er semsagt normið, það þarf bara að taka fram 'kynhneigð' þegar hún er eitthvað öðruvísi? Þegar ég las þessa fyrirsögn hélt ég fyrst að of mikið kynlíf hefði orðið einhverjum að falli, ekki með "hvoru liðinu þeir spila." 

Vona að mbl standi sig betur í framtíðinni... frekar en svona froðufréttir.


mbl.is Kynhneigðin að falli?
Tilkynna um óviðeigandi tengingu við frétt

ekki eru allir múslimar eitt

Fólk á oft erfitt með að skilja að allir múslimar eru ekki einn hópur. Meira en milljarður jarðarbúa eru múslimar, og koma frá eins mismunandi stöðum og Marokkó, Egyptalandi, Sýrlandi, Íran, Pakistan, Malasíu... sem og Bosníu, Tyrklandi, Kazakstan, etc etc etc. Að halda því fram að þó einhver sé múslimi þá hljóti sá hinn sami að vera róttækur múslimi, og þ.a.l. hryðjuverkamaður, er allt of algengt.

Það er eins og að segja að um leið og talað er um einhvern úr hinum vestræna heimi, t.d. einhverja stelpu frá Noregi, þá væri strax farið að tala um Bush og stríðið í Írak. Það fyndist okkur fáránlegt, þar sem við gerum okkur grein fyrir að Noregur er ekki Bandaríkin þó bæði séu að nafninu til kristin samfélög. Reynum að nota sömu hugsun um hinn ~~múslimska~~ heim. (Svo mæli ég með að fólk gúgli orientalism.) 


mbl.is Hizbollah í dulargervi?
Tilkynna um óviðeigandi tengingu við frétt

hennar ákvörðun

fullt af fólki, sérstaklega þau sem fylgja svokölluðum attachment parenting uppeldisstíl, hafa börnin á brjósti þangað til þau eru tilbúin til að hætta. Stundum er það við 1 árs, 2 ára, 3... eða jafnvel eldra. Ég efast nú um að sjálf myndi ég hafa 5 ára barn á brjósti en ég sé í raun ekki af hverju það á að gagnrýna hana fyrir þetta, þetta virkar greinilega fyrir þau.
mbl.is Með fimm ára son sinn á brjósti
Tilkynna um óviðeigandi tengingu við frétt

Bikram yoga

er ein frægasta tegundin af heitu yoga, og hef ég stundað það í nokkur ár. Þó Bikram serían sé ekki nema nokkurra áratuga gömul er yoga að sjálfsögðu margra árþúsunda gamalt, og í Indlandi er oft heitt svo heitt yoga er varla nýtt af nálinni.

Mæli ég eindregið með heitu yoga (þó að sjálfsögðu fari gæði hvers tíma eftir kennaranum), það tekur smá tíma að venjast hitanum en þetta er pottþétt uppáhalds líkamsræktaraðferðin mín. Fyrir utan að vöðvar styrkist (ég hef aldrei verið með jafn mikla maga- og bakvöðva, lærvövða, og svo má lengi telja) og liðamót verði liðugri (mér tókst í fyrsta skipti að snerta á mér tærnar!!) er þetta þrælgott fyrir húðina! 


mbl.is Teygja og sveigja í 37 gráða hita
Tilkynna um óviðeigandi tengingu við frétt

móðursýki

Er þetta orð í alvörunni notað enn? Hvernig eru mæður sjúkar? Eða er fólk sjúkt í mæður?

Eins og enska orðið "hysteria" sem kemur úr gríska orðinu fyrir leg. Legið var talið orsök "brjálæði" kvenna, s.s. því að þær voru öðruvísi en karlmenn (sem eru að sjálfsögðu toppur fullkomnunarinnar og hið "eðlilega"). 

 Ég hefði haldið að í jafnréttissamfélagi myndi fólk skoða hvaða orð þau nota og hvaða sögu ákveðin hugtök hafa.

 


mbl.is Mika segist móðursjúkur
Tilkynna um óviðeigandi tengingu við frétt

Frakkar á villigötum

Frakkar þurfa að ákveða stefnu sína í þessum málum. Þykir mér það miður ef þessi maður hefur í alvöru neytt konu sína til að haga sér á ákveðinn hátt, en við verðum að gera okkur grein fyrir því að í sumum menningarheimum er einfaldlega ósmekklegt að klæða sig á ákveðinn hátt - alveg eins og í okkar eigin menningu er ekki algengt að sjá konur ganga um berar að ofan niðri í bæ. Mér finnst Frakkar ekki bregðast rétt við þeim alvarlegu vandamálum sem þar fyrirfinnast í sambandi við fólk af erlendum uppruna - það ætti að berjast gegn rasisma og og fordómum gagnvart fólki af erlendum uppruna, sérstaklega frá Norður-Afríku og/eða múslimum, frekar en að banna. Fjöldi fólks býr í Frakklandi frá þessum svæðum en Frakkland reynir enn að þykjast vera ekki innflytjendaland.
mbl.is Synjað um borgararétt í Frakklandi vegna hjúpslæðu
Tilkynna um óviðeigandi tengingu við frétt

no2010.com

Vil hvetja fólk til að kynna sér hvernig er staðið að vetrarólympíuleikunum í Vancouver, t.d. með því að skoða þessar greinar og heimasíður:

http://www.guardian.co.uk/commentisfree/cifamerica/2010/jan/31/vancouver-winter-olympics-police

http://no2010.com/

Vil taka það fram að þetta eru ekki mótmæli við Ólympíuleikana sjálfa heldur hvernig hefur verið staðið að þeim í Vancouver. 


mbl.is Fimm Íslendingar keppa í Vancouver
Tilkynna um óviðeigandi tengingu við frétt

ástæða hjartastoppsins

var víst mögulega epidural sem hún hafði fengið nokkrum mínútum áður. Sjá hér...
mbl.is Kraftaverk á jólum: móðir og barn lifnuðu við
Tilkynna um óviðeigandi tengingu við frétt

enda er flest kjöt í US ógeð...

mæli með bókinni The Omnivore's Dilemma eftir Michael Pollan ef fólk vill vita hvernig flest kjöt er framleitt í bandaríkjunum. Þetta kemur mér bara ekkert á óvart. Væri gaman að vita hvort það er gerður greinarmunur á fjöldaframleiddu verksmiðjukjöti og lífrænu kjöti úr dýrum sem borða gras en ekki maískorn, vaxtarhormón og sýklalyf á hverjum degi.
mbl.is Mikið rautt kjöt slæm áhrif á heilsu
Tilkynna um óviðeigandi tengingu við frétt

gúrkutíð?

Ég verð að segja að þetta er sú mesta ekkifrétt sem ég hef lesið í langan tíma.
mbl.is Dorrit staldraði stutt við í veislu
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband